“Start – 2023” film layihəsi müsabiqəsi

Cəfər Cabbarlı adına “Azərbaycanfilm” kinostudiyası milli kinematoqrafiya sahəsində fəaliyyət göstərən yaradıcı şəxslərə dəstək olmaq, bu istiqamətdə çalışan gənc rejissorların fəaliyyətini stimullaşdırmaq, kino mühitinə yeni adlar qazandırmaq məqsədilə “Start – 2023” film layihəsi müsabiqəsini elan edir.

MÜSABİQƏNİN MÖVZUSU

Müsabiqə “Azərbaycanfilm” kinostudiyasının fəaliyyətə başlamasının 100-cü ilinə həsr olunur.

Müsabiqə sərbəst mövzuda keçirilir. Müsabiqədə janr məhdudiyyəti yoxdur. Müsabiqədə debüt filmlərini çəkəcək (müraciət edilən kateqoriyada 1-ci və ya 2-ci film) rejissorlar iştirak edə bilərlər.

MÜSABİQƏNİN KATEQORİYALARI

Müsabiqə 2 kateqoriyada keçirilir:

• Kateqoriya 1: Bədii film – tammetrajlı və ya qısametrajlı film
• Kateqoriya 2: Qısametrajlı animasiya filmi (26 dəqiqəyə qədər)

MÜKAFATLAR:

Qalib müəlliflər diplomla mükafatlandırılır. Hər kateqoriyada birinci yerin qalibi olmuş layihələrin onu təqdim edən rejissor tərəfindən “Azərbaycanfilm” kinostudiyasında istehsal olunması nəzərdə tutulur. Müsabiqədə qalib gələn müəlliflərlə müqavilə bağlanılır və müqavilədə hüquq və öhdəliklər əks olunur. Ekspert Şurasının apardığı müzakirələr məxfi saxlanılır. Müsabiqəyə təqdim olunan layihələrin müəlliflik hüquqları ilə bağlı sonradan yarana biləcək hər hansı mübahisəli məsələyə görə rəhbərlik və Ekspert Şurası məsuliyyət daşımır.

Müsabiqəyə təqdim olunan sənədlər 1 noyabr 2022 – 31 yanvar 2023-cü il tarixlərində musabiqe@azerbaijanfilm.az poçt ünvanına elektron qaydada göndərilməlidir. Müsabiqəyə son müraciət tarixi Bakı vaxtı ilə 2023-cü il 31 yanvar 00:00-da bitir. Bu tarixdən gec göndərilmiş müraciətlər etibarsız hesab edilir. Elektron poçt vasitəsilə müraciətlər yalnız “Müsabiqə” başlığı altında göndərilməlidir.

Ətraflı: https://bit.ly/3DnAJbJ