EU4Culture layihəsi çərçivəsində mədəniyyət və incəsənət peşəkarları üçün 4-cü mobillik qrantları müsabiqəsi elan edilir

Aİ tərəfindən maliyyələşdirilən EU4Culture layihəsi Şərq Tərəfdaşlığı ölkələri, o cümlədən Azərbaycanın paytaxt şəhərlərindən kənarda yaşayan incəsənət xadimləri və mədəniyyət mütəxəssisləri üçün fərdi mobillik qrantları üçün 4-cü müsabiqə mərhələsini elan edir.

Müsabiqənin məqsədi mədəniyyət mütəxəssisləri arasında mədəniyyətlərarası dialoqu və bilik mübadiləsini təşviq etməkdir. Müsabiqə vasitəsilə təcrübə, təhsil səfərləri, konfranslar, peşəkar inkişaf və başqa ölkədə həyata keçirilən digər təşəbbüslər də daxil olmaqla geniş spektrli fəaliyyətləri dəstəklənəcək.

Şərq Tərəfdaşlığı ölkələri, o cümlədən Azərbaycanın qeyri-paytaxt şəhərlərində və ya kənd yerlərində yerləşən bütün mədəniyyət və yaradıcı sektorlardan 18 və daha yuxarı yaşda olan sənətkarlar və mədəniyyət peşəkarları müsabiqəyə müraciət edə bilərlər.

Müsabiqə dörd növ mobillik layihələrini dəstəkləyir:

1. Qısa müddətli (5-10 təqvim günü) – 1,500 avrodan çox olmayaraq;
2. Orta müddətli (5 həftəyə qədər) – 3,500 avrodan çox olmayaraq;
3. Uzun müddətli (12 həftəyə qədər) – 5,000 avrodan çox olmayaraq;
4. Virtual layihələr (onlayn iştirak) – 1,000 avrodan çox olmayaraq.

Seçilmiş mobillik layihələri 15 noyabr 2023-cü il – 31 avqust 2024-cü il tarixləri arasında Aİ üzv dövlətlərində, Aİ tərəfdaş ölkələrində və digər Avropa ölkələrində həyata keçirilə bilər.

EU4Culture layihəsinin Mobillik qrantlarına müraciət etmək üçün ərizəçilər Goethe Application Portal (GAP) vasitəsilə beynəlxalq mobillik təklifləri üzrə fəaliyyət planı və büdcələrini təqdim etməlidirlər.

Müraciət üçün son tarix 25 sentyabr 2023-cü il, saat 18:00 (CET).

EU4Culture Şərq Tərəfdaşlığı ölkələrində qeyri-paytaxt və qəsəbələrə xüsusi diqqət yetirməklə mədəniyyət və yaradıcılıq sektorunu dəstəkləmək üçün Avropa İttifaqı tərəfindən maliyyələşdirilən dörd illik layihədir. Layihə Höte İnstitutu (Əsas), Çex Mərkəzləri, Danimarka Mədəniyyət İnstitutu, Fransız İnstitutu tərəfindən həyata keçirilir. Bu günə qədər EU4Culture layihəsi çərçivəsində 274 şəxsin mobillik layihələri dəstəklənərək 3 mobillik qrant müsabiqə mərhələsi tamamlanmışdır.

Maraqlanan şəxslər EU4Culture Mobillik Qrantları üzrə məlumat sessiyalarında iştirak etmək üçün əvvəlcədən qeydiyyatdan keçə bilərlər.

• Məkan: Online, ZOOM
• Vaxt: 19 iyul, saat 14:00

Mobillik Qrantları haqqında daha çox məlumat əldə etmək üçün Müsabiqə qaydaları ilə tanış olun: https://euneighbourseast.eu/az/opportunities/eu4culture-paytaxt-olmayan-s%c9%99h%c9%99rl%c9%99rd%c9%99-m%c9%99d%c9%99niyy%c9%99t-iscil%c9%99ri-t%c9%99r%c9%99find%c9%99n-qrant-layih%c9%99l%c9%99rinin-q%c9%99buluna-baslayib/