“Azerbaijan Design Award” müsabiqəsinə hazırlıq işləri müzakirə edildi

Azərbaycan Yaradıcı Sənayelər Federasiyasının İdarə heyətinin sədri Vasif Eyvazzadə Azərbaycan Dizaynerlər Assosiasiyasının (Azərbaycan Dizayn Assosiasiyası / Azerbaijan Design Association) sədri, “Azerbaijan Design Award” müsabiqəsinin təşkilatçısı Rəhim İsmayılovla (Rahim Ismayil) görüş keçirmişdir. Görüşdə yaxın günlərdə baş tutacaq dizayn sənayesinin əsas tədbiri – “Azerbaijan Design Award” müsabiqəsinə (Azerbaijan Design Award) birgə hazırlıq işləri, dizayn sənayesində aktual məsələlər, UNESCO-nun dizayn tematikası üzrə yaradıcı şəhəri kimi Bakının (Baku – UNESCO’s Creative City of Design) beynəlxalq tanıtımı və şəbəkədaxili fəaliyyətlərdə iştirakı kimi məsələlər müzakirə edilmişdir.

Həmçinin, Azərbaycan Yaradıcı Sənayelər Federasiyası ilə Azərbaycan Dizaynerlər Assosiasiyası arasında ölkənin dizayn sənayesinin hərtərəfli tədqiqi və imkanlarının öyrənilməsi istiqamətində birgə proqramın hazırlanması da razılaşdırıldı.