Azərbaycanda nəşriyyat sahəsinin inkişafı istiqamətində müzakirələr aparılıb

13 may tarixində, Azərbaycan Yaradıcı Sənayelər Federasiyası nəşriyyatlarla görüş keçirmişdir.

Görüşdə kitab sənayesi sahəsində aktual məsələlər sahəvi bazar iştirakçıları və Azərbaycan Nəşriyyatlar Assosiasiyasının üzvləri ilə müzakirə edillmişdir. Görüşdə həmçinin kağız idxalı və satışının ƏDV-dən azad edilməsi məsələsi də müzakirə edilmişdir.

Görüş iştirakçıları:

• Vasif Eyvazzadə – Azərbaycan Yaradıcı Sənayelər Federasiyası
• Telman Məlikzadə – Azərbaycan Yaradıcı Sənayelər Federasiyası
• Şəmil Sadiq – Azərbaycan Nəşriyyatları Assosiasiyası
• Nurman Tariq – Azərbaycan Nəşriyyatları Assosiasiyası
• Şərif Ağayar – Qanun Nəşriyyatı
• Rasim Qaraca – Alatoran Nəşriyyatı
• Rafiq İsmayılov – Altun Nəşriyyat Evi
• Şöhlət İxtiyaroğlu – Qədim Qala Nəşriyyat Evi

KİV məhsullarının və kitabların (elektron kitablar istisna olmaqla), habelə dərslik komplektlərinin idxalı və satışı, həmin məhsulların istehsalı (nəşri) ilə bağlı rulon və ya vərəqə şəklində kağızın idxalı və satışının ƏDV-dən azad edilməsi məsələsi ilə bağlı müvafiq siyahının təsdiqində gecikmə səbəbilə yaranmış narahatlıq səbəbilə Azərbaycan Yaradıcı Sənayelər Federasiyası müvafiq qurumlarla (Azərbaycan Respublikasının İqtisadiyyat Nazirliyi yanında İctimai Şura, Dövlət Vergi Xidməti, KOBİA yanında İctimai Şura) aktiv vasitəçilik səyləri və danışıqlar apararaq, prosesin sürətlənməsinə nail olmuşdur və nəticə etibarilə 13 may tarixində Nazirlər Kabineti “İdxalı və satışı əlavə dəyər vergisindən azad edilən kütləvi informasiya vasitələri məhsullarının və kitabların (elektron kitablar istisna olmaqla), habelə dərslik komplektlərinin və həmin malların (məhsulların) istehsalı (nəşri) ilə bağlı rulon və ya vərəqə şəklində kağızın Siyahısı”nın təsdiq edilməsi barədə Qərar vermişdir – https://nk.gov.az/az/document/6120/

Qaldırılan məsələlər:

• Nəşriyyatların mənfəət vergisindən azad edilməsi
• Sahəvi araşdırmanın aparılması
• Yeni yazarların dəstəklənməsi və qrant müsabiqələrin təşkili
• Satış, yayım və kitab mağazaları məsələləri
• Oxucu təşviqi
• Kadr kazırlığı və menecment təlimləri
• Qanunun təkmilləşdirilməsi
• Məsələlər üzrə qurumlarla konkret məsələlər üzrə tematik görüşlər
• Regionlarda kitab mağazalarının açılması üçün müddətli güzəştlər və region insanları üçün kitab əlçatanlığı təmin edilməsi
• Naşirlər günü, naşirlər qurultayının təsis edilməsi
• Milli dildə ədəbiyyat və oxucu problemi
• Xaricdə yaşayan azərbaycanlılar üçün milli dildə kitab və dərslik təminatı
• Regionlarda kitab sərgiləri və festivalları təşkilində qurumların dəstəyi
• KitabMall layihəsi
• Içərişəhərdə kitab küçəsi, Sabir bağında yaxud Nizami heykəlinin qarşısında kitab pasajı təşkilinə kömək
• Satış imkanlarının artırılması